Whey de Chikungunya gone?

https://mrmultilingual.files.wordpress.com/2014/09/chickengunya.jpg?w=300&h=300

Me dey ah Jamaica and ah like ah one swarm ah mosquitoes hit the country. One minute, yo na hear nutten bout Chik-V, the next thing yo know, it pon all the news stations right throughout the Caribbean and even some in America. One news pon the Jamaica TV show d mosquitoes in Portmore big like helicopters. It was so dramatic when in the midst ah the broadcast, you see the reporter ah kill mosquitoes. The worse part is when dem show you a homeowner sweep them up in ah heap. Yes in ah one big heap. Me never see that yet. Most times, mosquitoes buzz ah yo ears and if yo lucky fi catch one, that is when yo ah go see it.

Me ah hear businessmen ah complain how production job because workers ah call in sick since the mosquito drop. Principals, teachers and school pickney out ah school, Pain up from the Chik-V attack. Is like d whole ah Jamaica mash down.

Ministries start to try help d problem. Dem ah fog and ah beg ppl fi implement some strategies like removing tyres and anything that catch up water. Use yo mosquito repellants  dem say, me even haffi send one ah school with me child.

People ah speculate whey dis mosquito come from. And me ah ask meself the same thing? Is this the last days when there will be rumours of wars and pest and diseases etc? Some ppl believe that is ah biological weapon, ah population control that some first world country ah try fi implement. Dem ah test it pon we. What a conspiracy!

Me never want believe, but now me affi wonder, where the chikungunya gone? Did the mosquito evolve into the one them now ah call ZIKA whey ah mek babies born with some sort ah deformity. Ah whey it gone? Did we goverment put een some very effective mosquito eradication programme? Ah whey it gone? Is it that we develop some farm ah immunity? Ah whey it gone? Did d people who dem say mek e biological weapon an release it pon we, send out ah  chemical to kill dem off and now dem ah test ah different one? Ah whey e gone? Somebody tell me how come the Chik-V just drop down pon we dry dry so and dem it left we and send it cousins. Ah whey d chikungunya gone?